سعودی عرب پہلی وار ٹی 20 لیگ دی میزبانی کرے گا، کرکٹ ویب سائٹ
معروف کرکٹ ویب سائٹ دے مطابق سعودی عرب پہلی وار ٹی 20 لیگ دی میزبانی کرے گا۔ ویب سائٹ دے مطابق “ڈیونز لیگ ٹی 20” وچ ریٹائرڈ کھڈاریاں دی شرکت متوقع اے، ایہ انٹرنیشنل ریٹائرڈ کھڈاری فرنچائز سرکٹ وچ متحرک نیں۔
کرکٹ ویب سائٹ دے مطابق ٹی 20 لیگ دی سعودی عرب کرکٹ فیڈریشن نے منظوری دتی اے، لیگ وچ حال ای وچ ریٹائر ہون والے کرکٹر شرکت کرنی گے۔
ویب سائٹ دے مطابق چھ ٹیماں تے مشتمل ایہ لیگ اکتوبر وچ ہون دا امکان اے، لیگ دے میچ طائف وچ کھیڈے جان گے۔
کرکٹ ویب سائٹ دے مطابق لیگ وچ ودھ توں ودھ چار ایہو جہے کھڈاریاں دی شمولیت متوقع اے جنہاں نے دو سالاں وچ مکمل رکن ملکاں دی نمائندگی کیتی ہوئے گی۔
ویب سائٹ دے مطابق لیگ وچ کھڈاریاں نوں ودھ توں ودھ معاوضہ اک لاکھ ڈالر تیکر ملن دا امکان اے۔
