کوہلی 2027 وچ ہون والا ورلڈ کپ کھیڈن گے یا نہیں؟ کرکٹر نے چپ توڑ دتی
بھارتی کرکٹ ٹیم دے سابق کپتان ویرات کوہلی نے آخر کار بین الاقوامی کرکٹ وچ اپنے مستقبل تے 2027 ون ڈے ورلڈ کپ کھیڈن دے بارے وچ خاموشی توڑ دتی اے۔ کرکٹر نے اک انٹرویو وچ آکھیا، ‘میرا نظریہ بالکل صاف اے، جے مینوں لگیا کہ میری وجہ توں کچھ بہتر ہو سکدا اے یا میں کچھ اچھا کر سکدا واں تے میں لازمی ورلڈ کپ وچ نظر آواں گا، پر جے مینوں محسوس ہویا کہ مینوں اپنی ویلیو دکھانی پوے گی یا خود نوں ثابت کرنا پوے گا، فیر ایہ مشکل ہوئے گا’۔
کوہلی نے آکھیا، ‘میں اپنے کھیل وچ ایماندار واں، میں اپنا سر تھلے رکھیا، میں محنت کردا واں تے رب دا بڑا شکر گزار واں کہ اوہنے مینوں کرکٹ کیریئر وچ ایسا مقام دتا’۔ اوہناں نے آکھیا، ‘جے تسیں چاہندے او کہ میں ون ڈے میچ وچ 40 اووراں لئی باؤنڈری توں باؤنڈری تک دوڑاں؟ تے میں ایہ بنا کسی شکایت دے کراں گا، میرے توں کئی وار سوال کیتا گیا کہ کی میں 2027 دا ورلڈ کپ کھیڈاں گا؟’ کرکٹر نے آکھیا، ‘کوئی اپنا گھر یا اپنا جنون کویں چھڈ سکدا اے؟ بھارت لئی ورلڈ کپ کھیڈنا میرے لئی ہمیشہ اعزاز رہیا اے، میں کرکٹ کھیڈنا چاہندا واں’۔
