آسٹریلیا دا دورہۂ پاکستان: فخر زمان تے صائم ایوب سلیکشن لئی دستیاب نہیں ہون گے

فخر زمان تے صائم ایوب چوٹاں پاروں سلیکشن لئی دستیاب نہیں ہون گے: پی سی بی
پاکستان کرکٹ بورڈ (پی سی بی) نے آکھیا اے کہ آسٹریلیا دے دورہۂ پاکستان وچ فخر زمان تے صائم ایوب سلیکشن لئی دستیاب نہیں ہون گے۔

روزنامہ جنگ دے مطابق، اک بیان وچ پی سی بی نے دَسیا اے کہ فخر زمان تے صائم ایوب چوٹاں (انجریز) لگن پاروں سلیکشن لئی دستیاب نہیں ہون گے۔ پی سی بی دا کہنا اے کہ فخر زمان تے صائم ایوب چوٹاں توں ٹھیک ہون (ری کوری) دے عمل وچوں لنگھ رہے نیں۔

پاکستان کرکٹ بورڈ دے مطابق، دونویں کرکٹرز پی سی بی دے میڈیکل سٹاف دی نگرانی وچ ری ہیب (علاج تے بحالی) دے عمل وچوں لنگھ رہے نیں۔