بنگلہ دیش ہتھوں ہار توں دکھی ہو کے ٹیسٹ کپتان شان مسعود ولوں استعفیٰ دتے جان دا امکان

بنگلہ دیش ہتھوں ہار توں مایوس ٹیسٹ کپتان شان مسعود ولوں استعفیٰ دتے جان دا امکان
بنگلہ دیش دے خلاف سیریز وچ ہار توں دکھی ہو کے پاکستان ٹیسٹ ٹیم دے کپتان شان مسعود ولوں اپنے عہدے توں استعفیٰ دتے جان دا امکان اے۔

ذرائع دا کہنا اے کہ ٹیسٹ کپتان شان مسعود بنگلہ دیش توں ہارن توں بعد وڈے مایوس نیں تے اوہناں ولوں استعفیٰ دتے جان دا امکان ظاہر کیتا جا رہیا اے۔ ذرائع نے ہور دسیا اے کہ شان مسعود نوں بطور کپتان ایس ویلے سخت تنقید دا سامنا کرنا پے رہیا اے۔

اپنے اک بیان وچ شان مسعود دا کہنا سی کہ میچ وچ ساڈے کولوں بہت زیادہ غلطیاں ہوئیاں، تے ٹیسٹ میچ وچ ہر غلطی دی سزا ملدی اے۔

یاد رہے کہ شان مسعود دسمبر 2023 وچ پاکستان دے ٹیسٹ کپتان بنے سن۔ اوہناں دی کپتانی وچ پاکستان نے ہن تک 16 ٹیسٹ میچ کھیڈے نیں، جنہاں وچوں صرف کچھ ٹیسٹ میچاں وچ جِت نصیب ہوئی جدکہ 12 میچاں وچ ٹیم نوں ہار دا منہ دیکھنا پیا اے۔