سلہٹ ٹیسٹ: رضوان تے بنگلادیشی وکٹ کیپر وچکار تیکھی نوک جھوک، امپائر نے ویچ بچا کرایا

سلہٹ ٹیسٹ: “کھیڈو یا آؤٹ ہو جاؤ”، سائیڈ اسکرین تے محمد رضوان تے لٹن داس وچکار تیکھی بحث، امپائر پئے وچکار
پاکستان تے بنگلادیش وچکار جاری سلہٹ ٹیسٹ میچ دے دوران پاکستانی بلے باز محمد رضوان تے بنگلادیشی وکٹ کیپر لٹن داس وچکار تگڑی گرما گرمی ہو گئی۔

پاکستان تے بنگلادیش وچکار سیریز دے دوجے ٹیسٹ دے چوتھے دن سلہٹ انٹرنیشنل کرکٹ اسٹیڈیم وچ میچ دے دوران ماحول اودوں گرم ہویا، جدوں بنگلادیشی کھڈاریاں ولوں پاکستان دے وکٹ کیپر بلے باز محمد رضوان نوں طنز دا نشانہ بنایا گیا۔

بیٹنگ دے دوران محمد رضوان نوں کئی واری سائیڈ اسکرین دے آلے دوالے ہلجل (حرکت) پاروں کھیڈن وچ اوکھائی (مشکل) ہو رہی سی۔ پر اننگز دے 72ویں اوور وچ جدوں بنگلادیشی اسپنر تیجول اسلام گیند کراؤن آئے تاں رضوان سائیڈ اسکرین ول اشارہ کردے ہوئے پِچھے ہٹ گئے۔

سائیڈ اسکرین ٹھیک کرواؤن تے پہلے بنگلادیشی وکٹ کیپر لٹن داس تے محمد رضوان وچکار تیکھے جملیاں دا تبادلہ ہویا۔ لٹن داس نے رضوان نوں آکھیا کہ ‘ایہہ تسیں کیہ کر رہے او؟’ جس تے محمد رضوان نے غصے نال جواب دتا کہ ‘اوہ ہر گیند تے ساہمنے کھلوتا اے، ایہہ تہاڈا کم نہیں’۔ ایس تے بنگلادیشی وکٹ کیپر نے طنزاً آکھیا کہ ‘کھیڈو یا آؤٹ ہو جاؤ’۔