ڈیرن گف انگلش ٹیم دے غیر ملکی کوچ تے سلیکٹر رکھن تے برس پئے

اونہاں نے آکھیا کہ برینڈن میک کلم دباؤ (پریشر) وچ ہون گے تے اونہاں دی اسکروٹنی (چھان بین) ودھے گی۔

ڈیرن گف نے آکھیا کہ چیف سلیکٹر دا رول آسٹریلیا دے مارکس نارتھ نوں دے کے میرا دل ٹٹیا، ایہ مینوں برا لگا، میں بہت سارے معاملیاں وچ چیلنج کر سکدا سی، ہن میں سمجھدار ہو چکا واں۔

انہوں نے ہور آکھیا کہ میں اوہو جیہا نہیں واں جیہدا 10 سال پہلے غصے والا سی، ایہ اک اوکھا (مشکل) رول اے جیہدے وچ بہت کچھ ٹھیک ہوون دی لوڑ اے۔

ڈیرن گف نے ایہ وی آکھیا کہ ایہ کہہ رہے نیں کاؤنٹی تے انگلینڈ کرکٹ نوں نیڑے (قریب) لیاون گے، پر میرا نہیں خیال کہ ایسا ہوئے گا کیونکہ ساڈا کوچ نیوزی لینڈ دا اے تے سلیکٹر آسٹریلیا دا اے۔