پی سی بی دا ٹیم دے فزیو کلف ڈیکن دی کارکردگی تے غصے دا اظہار بدلے جان دی امید
پی سی بی دا کلف ڈیکن نوں ہٹان دا پکا فیصلہ، کھڈاریاں دی فٹنس توں ناخوش بورڈ نے نویں فزیو لئی اشتہار دے دتا
پاکستان کرکٹ بورڈ (پی سی بی) نے قومی ٹیم دے فزیو کلف ڈیکن دے کم تے ناخوشی دا اظہار کردیاں ہویاں نویں فزیو نوں رکھن دا فیصلہ کر لیا اے۔ خبراں دے مطابق پی سی بی ولوں کلف ڈیکن دی جگہ نویں بندے نوں لادن (تقرری) دا فیصلہ ایس لئی کیتا گیا اے کیوں جے کھڈاریاں دی فٹنس نوں لے کے بورڈ دے وڈے افسر کلف ڈیکن دے کم توں راضی نہیں۔
ذرائع نے دسیا اے کہ پی سی بی ولوں کلف ڈیکن نوں اوہناں دے مستقبل بارے صاف صاف دَس دتا گیا اے۔ اے گل وی چیتے رہے کہ پی سی بی نے لنگھے مہینے سینئر سپیشلسٹ فزیو تھراپسٹ تے سپیشلسٹ فزیو تھراپسٹ دیاں نوکریاں لئی باقاعدہ اشتہار وی جاری کیتا سی۔
یاد رہے کہ کلف ڈیکن ایس ویلے پاکستان کرکٹ ٹیم دے فزیو دے طور تے کم کر رہے نیں، پر پچھلے کج دناں وچ قومی ٹیم دے کئی وڈے کھڈاریاں دے سَٹاں (انجریز) کھان تے فٹنس خراب ہون توں بعد اوہناں دی کارکردگی تے وڈے سوال کھڑے ہو گئے سن۔
