سلمان علی آغا پاکستان ٹیسٹ ٹیم دی کپتانی دے تگڑے ترین امیدوار بن گئے نیں۔

پاکستان ٹی ٹوئنٹی ٹیم دے کپتان سلمان علی آغا پاکستان ٹیسٹ ٹیم دی کپتانی لئی وی مضبوط ترین امیدوار بن گئے۔

ذرائع دے مطابق، بنگلادیش توں لگاتار دوجی سیریز وچ ہار توں بعد قومی ٹیسٹ ٹیم دا کپتان بدلن دا فیصلہ کر لیا گیا اے۔

ذرائع دا کہنا اے کہ سلمان علی آغا پاکستان ٹیسٹ ٹیم دی قیادت لئی سب توں تگڑے امیدوار بن کے سامنے آئے نیں تے اوہ جولائی وچ ویسٹ انڈیز دے خلاف شروع ہون والی 2 ٹیسٹ میچاں دی سیریز وچ کپتانی دے فرائض سانبھن گے۔

دوجے پاسے، بنگلادیش دے خلاف سلہٹ ٹیسٹ وچ ہار توں بعد کپتان شان مسعود تے باقی کھڈاریاں دے وچکار دوریاں ودھ گئیاں نیں۔ وطن واپسی دے دوران کھڈاریاں وچکار بول چال تے رابطے دی گھاٹ دیکھی گئی، جدکہ شان مسعود اپنی فیملی نال ہی مصروف رہے۔

یاد رہے کہ شان مسعود دی کپتانی وچ پاکستان نے 16 ٹیسٹ میچ کھیلے، جنہاں وچوں صرف 4 وچ جیت نصیب ہوئی جدکہ 12 ٹیسٹ میچاں وچ ہار دا ساہمنا کرنا پیا۔