ورلڈ کپ نوں دھیان وچ رکھدیاں ہویاں ون ڈے اسکواڈ دی تیاری جاری اے: ہیڈ کوچ قومی کرکٹ ٹیم
پاکستان وائٹ بال ٹیم دے ہیڈ کوچ مائیک ہیسن دا کہنا اے کہ پاکستان نوں ون ڈے انٹرنیشنل کرکٹ دے مڈل اووراں وچ زیادہ جاندار (مؤثر) بیٹنگ دی لوڑ اے۔
پی سی بی پوڈ کاسٹ وچ گل بات کردیاں مائیک ہیسن نے دَسیا کہ ورلڈ کپ نوں دھیان وچ رکھدیاں ہویاں ون ڈے انٹرنیشنل اسکواڈ تے لگاتار کم جاری اے، کیونکہ ساڈا نشانہ (ہدف) اگلے ڈیڑھ سال وچ سب توں بہترین ون ڈے انٹرنیشنل اسکواڈ تیار کرنا اے۔
مائیک ہیسن نے دَسیا کہ ہُنیں ہون والے وائٹ بال کیمپ نے نویں ٹیلنٹ نوں پرکھن دا ہک بہترین موقع دتا اے، نوجوان کھڈاریاں وچ صلاحیت تے ہے جے پر اوہناں نوں ہور محنت تے ویلے دی لوڑ اے۔
اپنی گل نوں اگے بڑھاندیاں مائیک ہیسن نے دَسیا کہ نوجوان کھڈاریاں نوں موقعے دین دے نال نال اوہناں تے صبر کرنا وی بڑا ضروری اے۔
اوہناں دا کہنا سی کہ پاور پلے وچ ہور وکٹاں لین تے بولنگ وچ تسلسل (ایک سارتا) لیان تے ساڈی توجہ اے، فٹنس بہتر ہون نال کارکردگی ہور چنگی ہو جائے گی۔
ہیڈ کوچ پاکستان کرکٹ ٹیم نے دَسیا کہ آسٹریلیا دے خلاف سیریز نوجوان کھڈاریاں لئی اپنی صلاحیت وکھان دا سب توں ودھیا موقع اے، آسٹریلیا ہک تکڑی ٹیم اے، شائقین نوں چاہیدا اے کہ اوہ ٹیم تے نوجوان کھڈاریاں دی بھرپور ہلا شیری (حمایت) کرن۔
