ساؤتھ ایشین فٹبال فیڈریشن نے ساف کپ 2026ء دیاں تاریخاں بدل دتیاں
ساف کپ 2026ء دیاں تاریخاں تبدیل: ساؤتھ ایشین فٹبال فیڈریشن دا فیصلہ
ساؤتھ ایشین فٹبال فیڈریشن نے ساف کپ 2026ء دیاں تاریخاں بدل دتیاں نیں ۔
ساف کپ دیاں تاریخاں بھارت دی فیفا آسیان کپ وچ شرکت پاروں تبدیل کیتیاں گئیاں نیں ۔
پہلاں ساف کپ 21 ستمبر توں 6 اکتوبر تیکر دی فیفا ونڈو وچ ہونا سی، پر بھارتی ٹیم ایس ونڈو دے دوران فیفا آسیان کپ وچ حصہ لوے گی، ایس لئی منتظمین نے ساف کپ وچ بھارت دی شرکت نوں پکا کرن لئی ایہدیاں تاریخاں بدل دتیاں ۔
ساف دے جنرل سیکریٹری دا کہنا اے کہ چیمپئن شپ ہن نومبر دی فیفا ونڈو دے دوران ہووے گی، نومبر وچ فیفا ونڈو 9 توں 17 تاریخ دے وچکار اے، نکی (مختصر) ونڈو پاروں ہو سکدا اے کہ ٹورنامنٹ نوں فیفا ونڈو دے شروع ہون توں پہلاں ہی شروع کر دتا جائے ۔
فیفا ونڈو توں پہلاں ٹورنامنٹ شروع ہون دی وجہ توں باہرلے ملکاں دیاں لیگاں وچ مصروف کھڈاریاں دی شروعاتی میچاں وچ شرکت مشکوک اے۔
