“آئی سی سی نے ٹیسٹ میچ وچ گلابی گیند استعمال کرن دی منظوری دے دتی”
ٹیسٹ میچ وچ خراب روشنی پاروں وقت ضائع ہون توں بچان لئی گلابی گیند (پنک بال) استعمال کرن دی منظوری دے دتی گئی اے۔
انٹرنیشنل کرکٹ کونسل (آئی سی سی) بورڈ میٹنگز دا اعلامیہ جاری کر دتا گیا اے۔
اعلامیے دے مطابق دوواں ٹیماں دی مرضی نال آزمائشی طور تے پنک بال استعمال کیتی جا سکے گی، جدکہ ٹی 20 میچاں وچ اننگز بریک 15 منٹ دا ہوئے گا۔
پاکستان دی میزبانی وچ ہون والے آئی سی سی ویمنز ٹی 20 ورلڈ کپ 2028 وچ بھارت دے میچ نیوٹرل تھاں (مقام) تے ہون گے، جدکہ آئی سی سی ویمنز چیمپئنز ٹرافی 2027 جون جولائی دی بجائے 14 توں 28 فروری تک کھیڈی جائے گی۔
آئی سی سی بورڈ نے ودھدی ہوئی فرنچائز کرکٹ تے چنتا دا اظہار کردیاں ہویاں فرنچائز کرکٹ بارے اک کمیٹی بنان دا فیصلہ کر لیا اے۔
ایہ کمیٹی موجودہ ڈھانچے وچ انٹرنیشنل کیلنڈر تے فرنچائز کرکٹ دے وچکار توازن قائم کرن دا جائزہ لوے گی۔
