“محمد رضوان فرسٹ چوائس نیں، میں اوہناں دی جگہ نہیں لے رہا: وکٹ کیپر غازی غوری
لاہور: پاکستان دے نوجوان وکٹ کیپر بیٹر غازی غوری دا کہنا اے کہ پرفارمنس نال جے ٹیم نوں فائدہ ہووے تے ایس نال اعتماد وچ وادھا ہوندا اے، ایہنج نہیں اے کہ میں محمد رضوان دی جگہ لے رہا واں، اوہی فرسٹ چوائس نیں، مینوں موقع ملیا اے تے میں ایس موقعے توں فائدہ چکن دی کوشش کر رہا واں۔
لاہور وچ پریکٹس سیشن دے موقعے تے میڈیا نال گل بات کردیاں ہویاں پاکستان دے نوجوان وکٹ کیپر بیٹر غازی غوری دا کہنا سی کہ اوہناں نوں قومی ٹیم وچ آؤن دا موقع ملیا اے جس دا اوہ بھرپور فائدہ چکن چاہن گے۔
اوہناں دا کہنا سی کہ بابر اعظم ورگے کھلاڑی نال بیٹنگ کرن نال دباؤ (پریشر) نہیں ہوندا بلکہ اعتماد ملدا اے۔
غازی غوری نے آکھیا کہ مینوں ایہی کہیا گیا سی کہ وکٹ تے کھلونا (ٹھہرنا) اے کیوں جے رنز نہیں چاہیدے نیں، اپنی کمی نوں میں ہمیشہ دور کرن دی کوشش کردا واں، اجے میرا کوئی آئیڈیل نہیں اے، میرا کام ایہہ اے کہ جہاں میری لوڑ (ضرورت) ہووے اوتھے میں بیٹنگ کراں۔
