دوجا ون ڈے: آسٹریلیا نے پاکستان نوں 41 رنز توں ہرا دتا اے۔

تِن ون ڈے (ایک روزہ) میچاں دی سیریز دے دوجے میچ وچ آسٹریلیا نے پاکستان نوں 42 رنز توں ہرا (شکست دے) کے سیریز 1-1 توں برابر کر دتی اے۔

لاہور دے قذافی اسٹیڈیم وچ کھیلے گئے میچ وچ پاکستان دے کپتان شاہین آفریدی نے ٹاس جِت کے آسٹریلیا نوں پہلے بیٹنگ کرن دا سدا (دعوت) دتا۔ پروہنی (مہمان) ٹیم نے پہلے کھیڈدیاں ہویاں متھّے (مقررہ) 50 اووراں وچ 9 وکٹاں گوا کے 231 رنز بنائے۔ آسٹریلیا ولوں کیمرون گرین 53، جوش انگلس 51 تے میٹ رنشا 43 رنز بنا کے سب توں اگے رہے۔ پاکستان ولوں کپتان شاہین آفریدی نے 3 جبکہ حارث رؤف، عرفات منہاس تے ابرار احمد نے 2،2 وکٹاں لئیاں۔

232 رنز دے ہدف (ٹارگٹ) دا پِچھا کردیاں ہویاں پاکستان دی پوری ٹیم 44 اووراں وچ 190 رنز بنا کے ڈھیر (آؤٹ) ہو گئی۔ پاکستان ولوں شاداب خان نے ناٹ آؤٹ رہندیاں ہویاں 71 رنز دی شاندار اننگ کھیڈی۔ اوہناں توں علاوہ غازی غوری نے 37 تے عرفات منہاس نے 33 رنز بنائے۔ آسٹریلیا ولوں ناتھن ایلس نے 4 تے میتھیو شارٹ نے 3 کھڈاریاں نوں آؤٹ کیتا۔

یاد رہے کہ پہلے ون ڈے میچ وچ پاکستان نے آسٹریلیا نوں 5 وکٹاں توں ہرایا سی، تے تِن میچاں دی ایس سیریز وچ پاکستان نوں اک صفر دی برتری حاصل سی جیہڑی ہن برابر ہو گئی اے۔