انگلش کرکٹر نے ویرات کوہلی دے بھارت چھڈن دی وجہ دَس دتی
بھارتی کرکٹ ٹیم تے انڈین پریمیئر لیگ دی فرنچائز رائل چیلنجرز بنگلورو دے بلے باز ویرات کوہلی دے سابق ساتھی لیام لیونگسٹن نے کھلاڑی دے بھارت توں لندن شفٹ ہووݨ دی وجہ دَس دتی اے۔
لیام لیونگسٹن نے ہک حالیہ انٹرویو وچ گلاں کردیاں ہویاں دَسیا کہ کوہلی میدان توں باہر نہایت پُرسکون، خاندانی، سادہ تے دوستانہ مزاج انسان نیں پر میدان وچ پیر رکھدیاں ای انتہائی جارحانہ تے مقابلہ کرݨ والے کھلاڑی بݨ جاندے نیں۔ لیام نے آکھیا کہ ویرات بھارت وچ مِلݨ والی غیر معمولی شہرت تے ہر ویلے لوکاں دی توجہ دا مرکز بݨݨ والی زندگی زیادہ پسند نہیں کرتے، وہ ایسی زندگی دے خواہش مند نہیں سن جیہڑی اوہ بھارت وچ جی رہے نیں، اوہناں نوں پرسکون ماحول وچ رہݨا پسند اے جتھے اوہناں تے زیادہ توجہ نہ دتی جاوے تے اپنی مرضی نال آزاد گھمݨ پھرݨ دتا جاوے۔
اوہناں دے مطابق ویرات کوہلی ہک خوش مزاج شخصیت دے مالک نیں جیہڑے اپنے ٹبر (خاندان) نال ویلا گزارنا پسند کردے نیں تے دنیا گھمݨا چاہندے نیں، اوہناں نوں شہرت پاروں گھر وچ بند رہݨا بالکل پسند نہیں۔
لیام لیونگسٹن نے ہور دَسیا کہ کوہلی دی ہر حرکت تے کیمرے چوکنا رہندے نیں تے عوام دی نظر ہوندی اے جس وجہ توں اوہناں نوں ہر ویلے غیر معمولی توجہ دا سامنا رہندا اے، ایہو وجہ اے کہ اوہناں نے اپنی دھی (بیٹی) دی جمائش توں بعد پردیس (بیرونِ ملک) شفٹ ہووݨ دا فیصلہ کیتا سی۔
واضح رہے کہ ویرات کوہلی بنیادی طور تے لندن وچ رہ رہے نیں، اوہ اپنی زنانی (اہلیہ) انوشکا شرما تے بالاں (بچوں) سمیت اپنے اہلخانہ نال اوتھے منتقل ہوئے نیں۔
