گوگل دا اینڈرائیڈ ڈیوائسز وچ جیمنائی نوں کروم ویب براؤزر دا حصہ بناؤن دا اعلان

گوگل نے جیمنائی نوں اینڈرائیڈ ڈیوائسز وچ کروم ویب براؤزر دا حصہ بناؤن دا اعلان کیتا اے۔ پچھلے دناں “اینڈرائیڈ شو” نامی ایونٹ دے موقعے اُتے کمپنی نے ایہہ اعلان کیتا۔ جون دے مہینے وچ اینڈرائیڈ ڈیوائسز دے کروم براؤزر وچ جیمنائی نوں شامل کر دتا جائے گا۔ گوگل دے آرٹی فیشل انٹیلی جنس (اے آئی) چیٹ بوٹ دا بٹن براؤزر دے اُپر والے انٹرفیس وچ الگ توں دتا جائے گا، جس اُتے کلک کرن نال اسکرین دے تھلے اک پینل وچ اے آئی چیٹ بوٹ کھل جائے گا۔

گوگل نے دسیا کہ اینڈرائیڈ ڈیوائسز وچ کروم دے ایس ورژن وچ اوہ سارے فیچرز ملن گے جہڑے ڈیسک ٹاپ کمپیوٹر وچ ہوندے نیں، جیویں کہ نانو بنانا امیج ٹول، گوگل کیلنڈر، گوگل کیپ تے جیمنائی انٹیلی جنس وغیرہ۔ اینڈرائیڈ ڈیوائسز وچ اک نویں “آٹو براؤز” فیچر دا وادھا وی کیتا جا رہیا اے، جیدی مدد نال جیمنائی براؤزر دے اندر کجھ خاص کم خودکار طریقے نال کر سکے گا، پر ایہہ فیچر صرف گوگل اے آئی پرو یا اے آئی الٹرا سبسکرائبرز لئی ہوئے گا۔ کمپنی مطابق ایہہ اپ ڈیٹ اینڈرائیڈ 12 یا اوہدے توں بعد والے ورژن تے گھٹ توں گھٹ 4 جی بی ریم والے فونز اُتے دستیاب ہوئے گی۔