پی ٹی اے نے رات 12 بجے توں صبح 6 بجے تیکر نویں سم کارڈاں دی ویچ تے پابندی لا دتی اے۔

“پاکستان ٹیلی کمیونیکیشن اتھارٹی (PTA) نے ملک وچ غیر قانونی سماں جاری کرن توں روکن لئی تے سکیورٹی نظام نوں ہور مضبوط بناؤن لئی ساریاں موبائل فون کمپنیاں تے ملک بھر وچ رات 12 بجے توں صبح 6 بجے تیکر سم کارڈ ویچن تے پابندی لا دتی اے۔ ایکسپریس نیوز دے مطابق ساریاں موبائل کمپنیاں نوں ہدایت کیتی گئی اے کہ رات 12 توں صبح 6 بجے تیکر سم کارڈاں دی فروخت بند رکھی جائے، ایہہ فیصلہ جعلی تے غیر قانونی سماں دے ودھدے استعمال نوں روکن لئی کیتا گیا اے تاں جے گاہکاں دے تحفظ نوں یقینی بنایا جا سکے۔ ساریاں فرنچائزاں تے ریٹیلرز ایس ٹائم دی پابندی کرن دے ذمہ دار ہون گے، تے خلاف ورزی کرن والیاں دے خلاف سخت قانونی کارروائی کیتی جائے گی۔ پی ٹی اے نے شہریاں نوں آکھیا اے کہ اوہ صرف رجسٹرڈ دکاناں توں مقررہ ٹائم تے ہی سم خریدن تے بائیو میٹرک تصدیق لازمی کروان۔ جے کوئی ایس قانون دی خلاف ورزی کرے تاں فوری طور تے پی ٹی اے دے کمپلینٹ سسٹم تے اطلاع دتی جائے۔”