ملائیشیا حکومت دا وڈا فیصلہ 16 سال توںنکےبال سوشل میڈیا اکاؤنٹ نہیں بنا سکن گے
ملائیشیا نے اج توں لاگو ہون والے نویں آن لائن سیفٹی قنوناں (قواعد) دے تحت وڈے سوشل میڈیا پلیٹ فارمز لئی صارفین دی عمر دی تصدیق نوں لازمی قرار دے دتا اے تے 16 سال توں گھٹ عمر بالاں (بچیاں) نوں اکاؤنٹ بناؤن توں روک دتا گیا اے۔
ایہ قنون اوہناں پلیٹ فارمز اتے لاگو ہون گے جنہاں دے ایس جنوب مشرقی ایشیائی ملک وچ گھٹ توں گھٹ 80 لاکھ صارفین نیں، جنہاں وچ فیس بک، انسٹاگرام، ٹک ٹاک تے یوٹیوب شامل نیں، پر کمیونیکیشنز ریگولیٹر دے مطابق ایہناں اِقداماں اتے عمل کروان لئی پلیٹ فارمز نوں کج مہلت دتی جائے گی، جس دی مدت ہلے صاف نہیں دسی گئی۔
دنیا بھر وچ بالاں دی بھلائی (فلاح و بہبود) اتے سوشل میڈیا دے ماڑے اثرات بارے ودھدی ہوئی چنتا (تشویش) پاروں ملائیشیا وی اوہناں ملکاں وچ شامل ہو گیا اے جڑے نوجواناں دی سوشل میڈیا تک پہنچ نوں محدود کرن دی کوشش کر رہے نیں۔
ملائیشین کمیونیکیشنز اینڈ ملٹی میڈیا کمیشن دی اک دستاویز دے مطابق متعلقہ پلیٹ فارمز نوں عمر دی تصدیق لئی انتظام کرنے ہون گے، جنہاں وچ قومی شناختی کارڈ یا پاسپورٹ ورگے سرکاری ریکارڈ راہیں تصدیق شامل اے۔
ایم سی ایم سی دے مطابق قانون دی خلاف ورزی کرن والیاں کمپنیوں اتے اک کروڑ ملائیشین رنگٹ (تقریباً 25 لاکھ ڈالر) تک جرمانہ لایا جا سکدا اے۔
یاد رہے کہ آسٹریلیا دسمبر وچ ایسا قانون لاگو کرن والا پہلا ملک بنیا سی، جس نے ٹک ٹاک، یوٹیوب، سنیپ چیٹ تے دوجیاں وڈیاں ویب سائٹس نوں 16 سال توں گھٹ عمر صارفین دے اکاؤنٹس بند کرن یا بھاری جرمانے بھڑن (دینے) دا پابند کیتا۔
انڈونیشیا نے وی ایسے طرح پلیٹ فارمز نوں ذمہ دار ٹھہراندیاں مارچ وچ 16 سال توں گھٹ عمر والیاں اتے سوشل میڈیا دے استعمال اتے پابندی لائی۔
انڈونیشیا توں وکھ ترکی، ناروے، یونان، فرانس، سپین تے ڈنمارک سمیت کئی یورپی ملکاں نے وی ایہو جیہیاں پابندیاں لگاؤن دا اعلان کیتا اے۔
برطانیہ وچ قائم آزادیٔ اظہار دی تنظیم “آرٹیکل 19” تے دوجے گروپاں نے اک سانجھے بیان وچ آکھیا کہ بالاں نوں ڈیجیٹل دنیا تک پہنچ توں محروم نہیں کرنا چاہیدا بلکہ اوہناں نوں محفوظ طریقے نال تے اوہناں دے حقوق دے بچاؤ دے نال ایہ پہنچ ملنی چاہیدی اے، سوشل میڈیا اتے سدھی تے پوری پابندی ایہناں کمپنیوں دے کاروباری ماڈلز تے اصل (بنیادی) مسئلیاں نوں حل نہیں کردی۔
