“اے آئی ٹریننگ کورسز بالکل مفت، داخلے دی تریخ وچ وادھا”

اسلام آباد: این اے وی ٹی ٹی سی (نیشنل ووکیشنل اینڈ ٹیکنیکل ٹریننگ کمیشن) نے نویاں مہارتوں دے اے آئی (AI) ٹریننگ کورسز وچ داخلے دی آخری تریخ ودھا دتی اے۔ این اے وی ٹی ٹی سی نے ’اسکلز آف ٹومارو‘ پروگرام دے تحت وکھ وکھ جدید تے مصنوعی ذہانت (اے آئی) نال جڑے کورسز وچ داخلے دی آخری تریخ وچ وادھا کر دتا اے۔ نیشنل ووکیشنل اینڈ ٹیکنیکل ٹریننگ کمیشن (این اے وی ٹی ٹی سی) نے وزیراعظم یوتھ پروگرام دے ساتھ نال چلن والے ’اسکلز آف ٹومارو‘ پروگرام دے تحت وکھ وکھ جدید تے مارکیٹ دی لوڑ مطابق ٹریننگ کورسز وچ داخلے دی آخری تریخ ودھان دا اعلان کیتا اے۔

این اے وی ٹی ٹی سی دے مطابق نوجواناں نوں نویں ٹیکنالوجی تے ڈیجیٹل مہارتوں نال لیس کرن لئی کئی خاص ٹریننگ کورسز کروائے جا رہے نیں، جنہاں وچ AI-Augmented Digital Marketing & SEO، AI Financial Analysis with Power BI، AI-Powered E-Commerce، Earning Money Through Freelancing، AI-Augmented Graphic Design & Video Editing تے AI for Everyone شامل نیں۔ ادارے ولوں جاری کیتے گئے نوٹس مطابق درخواستاں جمع کروان دی نویں آخری تریخ 21 جون 2026 رکھی گئی اے۔ متعلقہ افسراں دا کہنا اے کہ داخلے دا ویلا ودھان دا مقصد ایہ وے کہ زیادہ توں زیادہ نوجواناں نوں ایس نویں تربیتی پروگرام توں فائدہ چکن دا موقع مل سکے۔ ایہ کورسز نوجواناں نوں مصنوعی ذہانت، فری لانسنگ، ڈیجیٹل مارکیٹنگ، گرافک ڈیزائننگ، ویڈیو ایڈیٹنگ تے ای کامرس سنے وکھ وکھ شعبیاں وچ عملی مہارت دین گے، جیہدے نال اوہناں لئی اپنے ملک تے پردیس وچ روزگار دے موقعے ودھن دی امید اے۔ این اے وی ٹی ٹی سی نے شوق رکھن والے نوجواناں نوں آکھیا اے کہ اوہ آخری تریخ توں پہلاں پہلاں اپنی درخواستاں ایس سائٹ اتے https://nsis.navttc.gov.pk/sign-in جمع کروا دین تاکہ ایس موقعے توں پورا پورا فائدہ چکیا جا سکے۔