عوامی حقوق دا ڈرامہ فلاپ، عمائدین دا کالعدم ایکشن کمیٹی توں لاتعلقی دا اعلان۔
مظفرآباد: کوٹلی دیاں نامور شخصیتاں محمد آزاد، حامد محمود تے ظفر اقبال نے کالعدم ایکشن کمیٹی دیاں انتشار پھیلان والیاں پالیسیاں نوں سمجھدیاں ہوئیاں اوہناں توں لا تعلقی دا اعلان کر دِتا اے۔ آگوآں (رہنماؤں) نے اپنے آپ نوں قانون پسند تے محبِ وطن قرار دیندیاں ریاستِ پاکستان دی حمایت دا عزم دہرایا۔
کوٹلی آزاد کشمیر دے محمد آزاد نے کالعدم ایکشن کمیٹی توں لاتعلقی دا اعلان کردیاں آکھیا کہ ماضی چ اوہ ایکشن کمیٹی دا حصہ سن، پر پابندی لگن توں بعد قانون دی پاسداری کردیاں ہوئیاں اوہناں نے لاتعلقی اختیار کر لئی اے۔
دوجے پاسے کوٹلی دی معروف سماجی شخصیت حامد محمود نے اپنے بیان چ آکھیا کہ اوہ پابندی لگن توں پہلاں تک ایکشن کمیٹی دا حصہ سن، پر ہن اوہناں دا ایہدے نال کوئی تعلق یا وابستگی نہیں اے۔
کوٹلی دے ظفر اقبال نے اپنے بیان چ آکھیا کہ عوامی ایکشن کمیٹی نوں حکومت نے کالعدم قرار دے دِتا اے، لٰہذا ہن میرا ایہدے نال کوئی تعلق نہیں اے۔ کوٹلی دے موہتبر لوکاں دی لاتعلقی واضح کردی اے کہ ایہ تحریک لوکاں دی تائید کھو کے ہن خالصتاً ملک دشمن ایجنڈے تے چل رہی اے۔
