بھارت: ہزار روپے غائب ہون اُتے خاتون ٹیچر دی طالبات دے کپڑے اتروا کے تلاشی۔
بھارت وچ ایک خاتون ٹیچر نے ہزار روپے غائب ہون اُتے طالبات دے کپڑے اتروا کے تلاشی لئی جیہدے اُتے ٹیچر نوں معطل کر دتا گیا۔
بھارتی میڈیا دے مطابق ایہ واقعہ ریاست راجستھان دے علاقے سوائی مادھوپور وچ واقع ایک پنڈ دے سرکاری اسکول وچ پیش آیا جِتھے مبینہ طور اُتے خاتون ٹیچر نے اپنے ہزار روپے گم ہو جان اُتے 9ویں تے 11ویں جماعت دی طالبات دی تلاشی لئی تے اوہناں دے کپڑے اتروا دتے۔
انتظامیہ نے دسیا کہ طالبات دے نال نامناسب رویے دے الزام سامنے آؤن توں بعد ماپیاں (والدین) ولوں احتجاج کیتا گیا تے اوہناں نے اسکول دا مرکزی گیٹ بند کر دتا۔
میڈیا رپورٹاں دے مطابق محکمہ تعلیم دی تحقیقات توں بعد ہندی دی سینئر ٹیچر سرسوتی مینا نوں معطل کر دتا گیا اے جدوں کہ اسکول دی پرنسپل دے خلاف بھی تادیبی کارروائی شروع کرن دا خط جاری کیتا گیا اے۔
دوجے پاسے خاتون ٹیچر نے الزامات دی تردید کردیاں آکھیا کہ ہزار روپے غائب ہو گئے سن جیہدے لئی طالبات توں پچھ گچھ کیتی گئی، اوہناں نوں کپڑے اتارن اُتے مجبور کرن دے الزام بے بنیاد نے، ایک خاتون ٹیچر ہون دی حیثیت نال میں صرف طالبات توں پچھ گچھ کرنا ہی مناسب سمجھیا سی۔
