“جماعتِ اسلامی دے مرکزی سیکرٹری جنرل امیر العظیم مٹی برڈے (سپردِ خاک)، نذیر احمد جنجوعہ قائم مقام سیکرٹری جنرل مقرر”

“لاہور (سپیشل رپورٹر، مانیٹرنگ ڈیسک): سیکرٹری جنرل جماعتِ اسلامی امیر العظیم دی نمازِ جنازہ لنگھے دہاڑے (گزشتہ روز) منصورہ وچ ادا کیتی گئی۔

امیرِ جماعتِ اسلامی حافظ نعیم الرحمن نے نمازِ جنازہ پڑھائی، امیر العظیم کینسر پاروں بدھ دی رات انتقال کر گئے سن۔ امیر العظیم دی تدفین اوہناں دی رہائش گاہ لاگے کینال ویو قبرستان وچ کیتی گئی۔

نمازِ جنازہ وچ وفاقی وزیر احسن اقبال، خواجہ حسان، محمد علی درانی، مولانا امجد، لیاقت بلوچ، فرید پراچہ تے حافظ ادریس سمیت کئی شخصیتاں نے شرکت کیتی۔

ایس دے نال ای امیرِ جماعتِ اسلامی حافظ نعیم الرحمن نے مرکزی ڈپٹی سیکرٹری جنرل نذیر احمد جنجوعہ نوں قائم مقام سیکرٹری جنرل جماعتِ اسلامی پاکستان مقرر کر دتا اے، نذیر احمد جنجوعہ نے عہدے دا حلف چک لیا اے۔”