سندھ وچ ریبیز نال اموات، حکومتی کارکردگی اُتے سوالیہ نشان: پی ٹی آئی

کراچی (سٹاف رپورٹر) پی ٹی آئی سندھ دے صدر حلیم عادل شیخ نے آکھیا اے کہ سندھ وچ ریبیز نال 40 افراد دیاں اموات صوبائی حکومت دی نااہلی تے بدانتظامی دا افسوسناک ثبوت نیں۔ حکومت کولوں آوارہ کتیاں نوں قابو نہیں کیتا جا رہیا، جس دے باعث شہریاں دیاں جاناں خطرے وچ نیں۔

کراچی دے علاقے بلدیہ ٹاؤن وچ اک بزرگ شہری دی ریبیز نال موت اُتے افسوس دا اظہار کردیاں انہاں آکھیا کہ کتے دے کاٹݨ توں بعد بروقت علاج نہ ملنا یا علاج تک رسائی نہ ہونا عوامی صحت دا اک سنگین مسئلہ اے۔

حلیم عادل شیخ نے آکھیا کہ سندھ بھر وچ ریبیز نال درجنوں اموات تے کتیاں دے کاٹݨ دے ہزاراں واقعات صوبائی حکومت دی کارکردگی اُتے سوالیہ نشان نیں۔ رواں سال جناح ہسپتال کراچی وچ کتیاں دے کاٹݨ دے 11 ہزار توں ودھ، جدکہ سندھ بھر وچ 2 لاکھ توں ودھ واقعات رپورٹ ہونا تشویشناک اے۔

دوجے پاسے سندھ وچ سرکاری کਣک دی 5 ارب 12 کروڑ روپے توں ودھ دی خوردبرد دے سکینڈل تے آٹے دی مہنگائی اُتے ردعمل دیندیاں حلیم عادل شیخ نے آکھیا کہ سرکاری کڻک دی خوردبرد دا سکینڈل سامنے آنا تشویشناک اے۔

انہاں آکھیا کہ 8 افسران تے ملازماں نوں برطرف کرن دے باوجود اصل ذمہ داراں دا احتساب کرنا ضروری اے۔