ملکہ برطانیہ دی قریبی کزن فوت ہو گئی

ملکہ برطانیہ الزبتھ دوئم دی فرسٹ کزن لیڈی میری کولمین 88 سال دی عمر وچ دنیا توں رخصت ہو گئیاں۔
برطانوی میڈیا دے مطابق ملکہ برطانیہ دی فرسٹ کزن لیڈی میری کولمین دا انتقال نورفک وچ واقع انہاں دے گھروچ طبعی طور تے ہویا۔
اہلخانہ ولوں جاری بیان وچ آکہا گیا اے کہ لیڈی میری کولمین دا 2 جنوری 2021 نوں 88 سال دی عمر وچ انہاں دے گھر وچ ہی انتقال ہویا۔
لیڈی میری کولمین دی آخری رسومات تے زندگی وچ کیتی گئیاں خدمات دے اعتراف وچ ایک تقریب منعقد کیتی جائے گی۔
ملکہ برطانیہ دی لیڈی میری نال ڈاڈھی پریت سی کیونکہ اوہ شاہی خاندان دے بالمورل تے سینڈرنگھم وچ اکثر نظر آندیاں رہندیاں سن۔
لیڈی میری کولمین سر ٹموتھی کولمین کے جی دی اہلیہ سن تے اوہ سارہ، سبرینا، ایما، جیمز اور میتھیودی والدہ سن۔