دھرمیندر نے اپنے 6 بچیاں لئی کیہہ وراثت چھڈی؟

بالی ووڈ دا مشہور اداکار دھرمیندر 89 سال دی عمر وچ دنیا توں رخصت ہو گیا۔ دھرمیندر نہ صرف اپنیّا ں فلمّاں تے کامیابیاں کر کے مشہور سی، بلکہ اوہہ اک کامیاب کاروباری شخصیت وی سی۔ اپنے 6 بچیاں لئی اوہہ وراثت وچ تقریباً 3 اَرب 35 کروڑ بھارتی روپے (جو پاکستانی روپیاں وچ لگ بھگ 11 اَرب 56 کروڑ روپے بندے نیں)، لگژری گاڑیاں، لوناوالہ وچ اک 100 ایکڑ دا شاندار فارم ہاؤس، تے کئی کار و بار چھڈ کے گیا۔

دھرمیندر دا 100 ایکڑ دا فارم ہاؤس لوناوالہ وچ واقع ہے، جتھے اوہہ ممبئی دی ہلچل توں دور سکون نال رہندا سی۔ ایہہ پراپرٹی جدید سہولتاں نال مکمل سی۔

گاڑیاں تے دھرمیندر دی محبت وی مشہور سی۔ اوہہ کئی لگژری گاڑیاں رکھدا سی، تے اوہناں دا کلیکشن اسدی شخصیت تے اسدی پسند نوں واضح طور ’تے دکھاؤندا ہے۔

اوہہ اپنی شہرت نوں کاروبار وچ تبدیل کرن دا ہُنر وی رکھدا سی۔ 2015 وچ اوہہ نے نیو دہلی وچ پہلا ریسٹورنٹ “گَـرم دَھرم ڈھابا” کھولیا، تے 2022 وچ “ہی مین” ریسٹورنٹ دا آغاز کیتا۔

1983 وچ دھرمیندر نے “ویجیتا فلمز” دی بنیاد رکھی، جس راہیں اس نے اپنے دونو ں پتر—سنی دیول تے بابی دیول—نوں بالی ووڈ وچ متعارف کرایا۔ سنی دیول نے “بیتاب” (1983) نال شروعات کیتی، جدو ں کہ بابی دیول نے “بارش” (1995) نال ڈیبیو کیتا۔ 2019 وچ دھرمیندر نے اپنے پوتے کرن دیول نوں فلم “پل پل دل کے پاس” راہیں انڈسٹری وچ لیا کے آیا۔

دھرمیندر دی کل نیٹ ورتھ تقریباً 335 کروڑ بھارتی روپے دا اندازہ لایا جاندا ہے، جو فلمی کریئر تے کامیاب کاروباری فیصلے دا نتیجہ ہے۔

اوہہ اپنے فارم ہاؤس دے نال 12 ایکڑ زمین ’تے 30 کوٹھیوں دا ریزورٹ بناؤن دا پلان رکھتے سی، تے اس وچ اپنے مشہور ریسٹورنٹ چین نوں وی شامل کرن دی تیاری سی۔

دھرمیندر نے نہ صرف اک شاندار فلمی کریئر بنایا بلکہ اپنے خاندان لئی وی اک مضبوط وراثت چھوڑ کے گیا۔ اس دے بچّے سنی، بابی، تے پوتا کرن دیول آج وی اسدی وراثت نوں بولی وڈ وچ آگے ودھا رہے نیں۔