اسرائیل نے غزہ وچ ڈاکیومنٹری بناون والے نوجوان نوں شہید کر دتا
اسرائیل نے غزہ اُتے ڈاکیومنٹری بنان والے نوجوان نوں شہید کردتا
غزہ (مانیٹرنگ ڈیسک) غزہ وچ اسرائیلی ڈرون حملے وچ اک ایسے نوجوان نوں نشانہ بنایا گیا جیہدا مشغلہ شادیاں وچ فوٹوگرافی کرنا سی تے جو اپنے شہر نوں صیہونی دے ہتھیں تباہ و برباد ویکھ کے ڈاکومیٹری بنان لگیا سی۔ عالمی خبر رساں ادارے دے مطابق محمود وادی نامی ایہہ نوجوان وی تابناک مستقبل دے سفنے اکھاں وچ سجائے جدید فوٹو گرافی وچ کیرئیر بنانا چاہندا سی۔ اکتوبر 2023ء وچ اسرائیلی بمباری تے اوہدے وچ خواتین تے بالان دے شہید ہون دے المناک واقعات نے محمود وادی دے مقصد حیات نوں ای بدل کے رکھ دتا۔ اوہ اپنی ساریاں صلاحیتاں غزہ دی تباہ حالی تے شہر دے اجڑن تے ڈاکیومنٹریزبنان وچ صرف کرن لگیا سی جو صیہونی ریاست نوں اک اکھ نہ بھایا۔ اسرائیلی فوج نے خان یونس دے علاقے وچ محمود وادی نوں جاسوس ڈرون راہیں نشآنہ بنایا۔ جیہدے وچ نوجوان فوٹو گرافر شہید ہو گیا۔ محمود وادی دا قصور بس اینا سی کہ اوہنے سوشل میڈیا تیاپنا اکائونٹ القدس دے نام تو بنایا۔
