اسرائیل نے غزہ اُتے مکمل قبضے تے خصوصی فوجی آپریشن دی منصوبہ بندی شروع کر دتی
غزہ (نیٹ نیوز) اسرائیل نے جنگ بندی معاہدے دے باوجود جنگ دوبارہ شروع کرن ، غزہ اُتے مکمل قبضہ کرن یا ییلیو لائن دے نال رہن تے غزہ دے باقی ماندہ حصے وچ خصوصی فوجی آپریشن غور شروع کر دتا۔ عالمی میڈیا نے اسرائیلی نشریاتی ادارے دے حوالے نال اپنی رپورٹ وچ دسیا کہ اسرائیلی فوج دا خیال اے کہ امریکہ دے کول اجے تیکر فلسطینی عسکریت پسنداں نوں غیر مسلح کرن دا کوئی واضح منصوبہ نہیں اے تے اوہ اپی طاقت بحال کرن لئی کم کر رہے نیں جد کہ اسرائیلی فوج اوہناں نوں ایہدے توں روکنا چاہندی اے۔ رپورٹ وچ دسیا گیا اے کہ اسرائیل ہن وی فلسطینی جنگجوئواں دے ہتھیار پان تے گرفتاری مگروں اوہناں دے غزہ توں نکل جان تے اصرار کر رہیا اے جد کہ اک پچھلے امریکی انتظام جیہدے وچ فلسطینی جگنجوئواں دے رفح توں اسرائیلی فوج دے کنٹرول توں باہر دے علاقیاں وچ نکلن دی تجویز دتی گئی سی نکام ہو چکیا اے۔ امریکی سرپرستی وچ مصر تے قطر دی معاونت تے ثالثی نال طے پان والے جنگ بندی معاہدے دے پہلے مرحلے دے مطابق اسرائیلی افواج تباہ حال غزہ دے تقریباً 55 فیصد حصے نوں کنٹرول کر رہیاں نیں۔
