“بھارت دے ریاستی چناؤ وچ مودی سرکار دی جت پچھے لُکی دھاندلی بے نقاب۔”
بھارتی جریدے ’دی وائر‘ نے ریاستی چناؤ وچ بی جے پی دی جت دے جشن پچھے لُکی بدعنوانی تے دھاندلی توں پردہ چُک دتا اے۔
بھارتی جریدے دے مطابق مغربی بنگال وچ تقریباً اک کروڑ ناں ووٹر لسٹ توں کڈ کے اوہناں نوں ووٹ دے حق توں محروم کر دتا گیا۔ دوجے پاسے تضاداں دی بنیاد اُتے 27 لکھ شہریاں نوں لسٹ توں باہر کڈ دتا گیا، جدکہ حتمی لسٹ توں بعد 6 لکھ نویں ووٹر بنان اُتے سوال کھڑے ہو گئے نیں۔
’دی وائر‘ دے مطابق مودی انتہا پسند غنڈیاں دے ذریعے مغربی بنگال وچ وی غزہ ورگا وحشیانہ نظام مسلط کرن لئی تیار اے۔ بھارتی جریدے مطابق وزیراعلیٰ نے آکھیا کہ بھارت وچ مسلماناں نوں اوہو جیہا ای سبق سکھانا چاہیدا اے جیہو جیہا اسرائیل نے غزہ وچ سکھایا، میں مسلماناں لئی اودوں تک کم نہیں کراں گا جدوں تک اوہ مذہب نہیں بدل لیندے۔
رپورٹ وچ مزید آکھیا گیا اے کہ بی جے پی دے دوجے وزیراعلیٰ یوگی آدتیہ ناتھ تے ہمانتا بسوا سرما وی مسلماناں دے خلاف زہریلے بیان دیندے رہے نیں۔
