“اک ایسا ملک وی ہے جتھے زمین اُتے گرے ہوئے آم چکن اُتے وی 10 لاکھ روپے توں ودھ دا جرمانہ بھرنا پے سکدا اے۔”
جنوبی ایشیائی ملک سنگاپور وچ زمین اُتے گرے ہوئے آم چکن اُتے وی بھاری بھرکم جرمانے بھرنے پینگے۔
غیر ملکی میڈیا دے مطابق سنگاپور وچ رہن والی بھارتی نژاد ڈیجیٹل کریٹر پریانکا سنہا نے سوشل میڈیا اُتے اک ویڈیو شیئر کیتی اے، جس وچ اوہناں نے سڑک کنارے لگے آم دے درکھتاں بارے اک حیران کن گل دسی اے۔
ویڈیو وچ دیکھیا جا سکدا اے کہ درکھت آم نال بھرے ہوئے نیں تے کجھ آم تھلے زمین اُتے وی گرے ہوئے نیں۔ عام طور تے لوک سمجھدے نیں کہ سڑک کنارے لگے درکھت توں پھل توڑنا یا گرے ہوئے پھل چکن وچ کوئی ہرج نہیں، پر سنگاپور وچ ایہ وڈا جرم اے۔
ڈیجیٹل کریٹر دے مطابق، جے کوئی بندہ سڑک کنارے لگے درکھت توں آم توڑدا اے یا زمین توں چکن دی کوشش کردا اے، تے اوہنوں 5 ہزار سنگاپورین ڈالر (جیہڑے پاکستانی 10 لکھ 94 ہزار روپے توں ودھ بندے نیں) جرمانہ دینا پئے گا۔
سنگاپور دے قانون دے مطابق، سڑکاں یا عوامی تھاواں اُتے لگے سارے درکھت حکومت دی ملکیت نیں، ایس لئی اوہناں دا پھل چھیڑنا قانونی جرم منیا جاندا اے تے ایہدے اُتے سخت سزا دتی جاندی اے۔
