“کویت نے ایرانی بیڑی (کشتی) اُتے حملہ کر کے 4 شہریاں نوں پھڑ لیا اے: عباس عراقچی”
ایرانی وزیر خارجہ عباس عراقچی نے سوشل میڈیا اُتے جاری کیتے گئے اپنے بیان وچ الزام لایا اے جے کویت نے خلیج فارس وچ اک ایرانی بیڑی (کشتی) اُتے حملہ کر کے 4 ایرانی شہریاں نوں پھڑ لیا اے۔ ایرانی وزیر خارجہ دے مطابق، اے واقعہ اوس جزیرے دے نیڑے پیش آیا جیہنوں امریکہ ایران اُتے حملے کرن لئی ورتدا اے۔ اوہناں نے کویت دے ایس کم نوں غیر قانونی قرار دیندے ہوئے اپنے شہریاں نوں فوراً چھڈن دا مطالبہ کیتا اے۔
عباس عراقچی نے آکھیا اے جے ایران اپنے شہریاں دی راکھی لئی ہر ممکن قدم چکے گا تے کویت دی ایس حرکت دا جواب دین دا حق محفوظ رکھدا اے۔
تہران ولوں جاری کیتے گئے بیان وچ آکھیا گیا اے جے ایران علاقے وچ کشیدگی نوں ودھاؤن توں بچنا چاہندا اے، پر اپنے شہریاں دے خلاف کسے وی کارروائی اُتے چپ نہیں رہے گا۔
