“امریکی ایئرلائن دا 9 سال بعد وینزویلا لئی پروازاں شروع کرن دا اعلان”
عالمی میڈیا دی رپورٹ دے مطابق امریکی فضائی کمپنی یونائیٹڈ ایئرلائنز نے اعلان کیتا اے کہ اوہ 11 اگست توں امریکہ تے وینزویلا دے درمیان براہِ راست پروازاں دوبارہ شروع کرے گی جیہڑی تقریباً اک دہائی بعد ایس روٹ اُتے واپسی ہووے گی۔
میڈیا رپورٹ دے مطابق کمپنی نے دسیا کہ روزانہ نان سٹاپ پروازاں امریکہ دے شہر ہیوسٹن دے جارج بش انٹرکنٹینینٹل ایئرپورٹ تے وینزویلا دے کاراکاس وچ واقع سیمون بولیوار انٹرنیشنل ایئرپورٹ دے درمیان چلائیاں جان گیاں۔
ایہ سروس بوئنگ 737 MAX 8 طیاریاں دے ذریعے آپریٹ کیتی جائے گی، ٹکٹاں پہلے ای فروخت لئی دستیاب نیں جدکہ پروازاں دا آغاز حکومتی منظوری نال مشروط ہووے گا۔
واضح رہے یونائیٹڈ ایئرلائنز نے 2017ء وچ سیاسی کشیدگی دی وجہ توں وینزویلا لئی اپنی پروازاں معطل کر دتیاں سن جیہڑیاں ایس توں پہلاں 20 سال توں ودھ عرصے توں جاری سن۔
