امریکی تے چینی صدر دی ملاقات بارے وائٹ ہاؤس نے بیان جاری کر دتا
وائٹ ہاؤس نے امریکی صدر ڈونلڈ ٹرمپ تے چینی صدر شی جن پنگ دی ملاقات بارے بیان جاری کر دتا اے۔ سوشل میڈیا تے جاری بیان وچ ترجمان وائٹ ہاؤس نے آکھیا کہ صدر ٹرمپ تے چینی صدر شی جن پنگ دے وچکار ملاقات چنگی رہی۔
وائٹ ہاؤس دے مطابق صدر ٹرمپ تے چینی صدر شی جن پنگ دے وچکار آبنائے ہرمز کھلی رکھن تے اتفاق کیتا گیا۔ ترجمان دے مطابق دونوں آگوواں (رہنماواں) نے اتفاق کیتا کہ توانائی دی آزادانہ ترسیل لئی آبنائے ہرمز کھلی رہنی چاہیدی اے۔
وائٹ ہاؤس دے مطابق اقتصادی تعاون ودھان دے وکھو وکھ طریقیاں تے تبادلہ خیال کیتا گیا، چین ولوں امریکی زرعی مصنوعات دی خریداری ودھان تے وی گل بات ہوئی۔
ترجمان وائٹ ہاؤس دے مطابق ملاقات دے دوران امریکہ وچ منشیات دے خام مال (اجزاء) دی سمگلنگ روکن دے اقدامات تے وی گفتگو ہوئی۔ وائٹ ہاؤس دے مطابق دونوں آگو ایس گل تے متفق نیں کہ ایران نوں جوہری ہتھیار حاصل نہیں کرن دتے جان گے۔
