لیبیا کشتی حادثہ 2023: عدالت نے انسانی سمگلراں نوں سزا سنا دتی
عدالت نے لیبیا کشتی حادثہ کیس دے ملزماں نوں سزا سنا دتی اے۔ عدالت ولوں لیبیا کشتی حادثہ 2023 کیس وچ انسانی سمگلراں نوں 22 سال قید دی سزا سنائی گئی اے۔
ایف آئی آر نمبر 201/23 مورخہ 20-06-2023، زیر دفعات 17/22 امیگریشن آرڈیننس 1979 تے 6 PSMA 2018 دا فیصلہ سپیشل جج سینٹرل 2 گوجرانوالہ دی عدالت نے سنایا۔
ملزماں محمد اسلم تے محمد ندیم نے شہری توں اوہدے دو پتراں نوں اٹلی گھلن دے ناں تے 62 لکھ روپے وصول کیتے سی، پر دونوں نوجوان لیبیا کشتی حادثہ 2023 وچ جاں بحق ہو گئے۔
عدالت نے جرم ثابت ہون تے ملزماں نوں مجموعی طور تے 22 سال قیدِ سخت تے 14 لکھ روپے جرمانے دی سزا سنا دتی اے۔ دوجے پاسے انسانی سمگلراں دے خلاف ایف آئی اے دا کریک ڈاؤن جاری اے۔
