بھارت: ‘Feel the Jail’ دو ہزار روپے دیو تے اک دن جیل وچ گزارو، حیدرآباد جیل انتظامیہ دی انوکھی آفر
حیدرآباد: بھارت دی تلنگانہ ریاست وچ عام لوکاں نوں جیل وچ وقت گزارن دی سہولت دین دا اک پروگرام شروع کیتا گیا اے، جس دے تحت شہری پیسے دے کے جیل وچ وقت گزار سکن گے۔
اوہ لوک جیہڑے کدی جیل نہیں گئے تے اوہناں نوں اکثر ایہ تجسس رہندا اے کہ جیل دی زندگی کیہو جہی ہوندی اے، تے ہن بھارت دی ریاست تلنگانہ وچ واقع جیل دی انتظامیہ نے ایہو جہے لوکاں لئی اک انوکھا تے دلچسپ پروگرام شروع کیتا اے۔
بھارتی میڈیا دے مطابق ریاست تلنگانہ دے شہر حیدرآباد وچ واقع چنچل گوڑا سینٹرل جیل وچ شہری مقررہ فیس بھرن (ادا کرن) توں بعد قیدیاں ورگی زندگی گزار سکن گے۔ رپورٹ دے مطابق چنچل جیل انتظامیہ دا دسنا اے کہ 24 گھنٹے جیل وچ گزارن دے خواہش مند بندیاں نوں 2000 بھارتی روپے، جد کہ 12 گھنٹے جیل وچ گزارن والیاں نوں اک ہزار روپے فیس دینی پوے گی۔
حکام دے مطابق ایس نویں پروگرام دا مقصد عام شہریاں، خاص کر کے نوجواناں وچ قانون، نظم و ضبط تے جیل دے نظام بارے آگاہی پیدا کرنا اے۔
