عارضی جنگ بندی مکدے ای روس تے یوکرین دے اک دوجے تے تابڑ توڑ حملے، مرن والیاں دی گنتی 27 ہو گئی

تِن دناں دی جنگ بندی مکدے ای روس تے یوکرین ولوں اک دوجے تے حملیاں وچ تیزی آ گئی اے، دوواں پاسے مرن والیاں دی گنتی 27 تیکر اپڑ گئی اے۔

غیر ملکی میڈیا دے مطابق یوکرین دی ایمرجنسی سروس دا کہنا اے کہ روسی میزائل تے ڈرون حملیاں وچ گھٹ توں گھٹ 24 بندے ہلاک تے کئی زخمی ہوئے نیں۔ یوکرینی حکام نے دسیا کہ کل سارا دن دارالحکومت کیف وچ فضائی حملیاں توں بچن لئی خطرے دے سائرن گونجدے رہے۔

دوجے پاسے روسی حکام دا دعویٰ اے کہ روسی شہر “ریازان” تے یوکرینی ڈرون حملے وچ 3 بندے ہلاک تے 12 زخمی ہوئے نیں۔

یاد رہے کہ امریکی صدر ڈونلڈ ٹرمپ نے کجھ دن پہلاں روس تے یوکرین دے وچکار 3 دناں دی عارضی جنگ بندی دا اعلان کروایا سی، جیہڑی ہن ختم ہو چکی اے۔