بھارت: منگنی دی تقریب وچ شرکت لئی جان والی بس ٹرک نال ٹکرا گئی 13 بندے ہلاک

بھارت: منگنی دی تقریب وچ جان والی بس ٹرک نال ٹکرا گئی، 13 بندے ہلاک
بھارت وچ منگنی دی تقریب لئی جان والی مسافراں نال بھری بس ٹرک نال ٹکرا گئی جیہدے نتیجے وچ 13 بندے ہلاک ہو گئے۔

بھارتی میڈیا دے مطابق اے خوفناک حادثہ مہاراشٹر دے ضلع پالگھر وچ ممبئی احمد آباد قومی شاہراہ (نیشنل ہائی وے) تے پیش آیا جہاں مسافر بس تے ٹرک وچ سدھی ٹکر ہو گئی۔

میڈیا رپورٹاں وچ دسیا گیا اے کہ مسافراں نال بھری بس باپوگاؤں توں دھنیوری وچ اک منگنی دی تقریب وچ شرکت لئی جا رہی سی۔ بس وچ 40 توں ودھ مسافر سوار سن جو ہائی وے تے غلط پاسے (رانگ سائیڈ) توں آ رہے سن۔ میڈیا رپورٹاں دے مطابق مسافر بس ٹرک نال ٹکرائی تے اس ٹکر دی زد وچ اک موٹرسائیکل وی آ گئی۔ حادثے دے نتیجے وچ 13 بندے ہلاک ہو گئے جڈوں کہ 25 بندے زخمی وی ہوئے نے۔

اس حادثے تے مہاراشٹر دے وزیراعلیٰ ولوں دکھ دا اظہار کیتا گیا اے، جڈوں کہ مرن والیاں دے ٹبراں (فیملیز) لئی 5 لاکھ روپے معاوضے دا اعلان وی کیتا گیا اے۔