پاکستان دیاں کوششاں کامیاب، امریکہ ولوں قبضے وچ لئے گئے بحری جہاز دا ایرانی عملہ وطن واپس اپڑ گیا

امریکی قبضے وچ لئے گئے بحری جہاز ‘توسکا’ دا ایرانی عملہ پاکستان دیاں کوششاں توں وطن واپس اپڑ گیا، ایرانی سفیر ولوں وزیراعظم تے اسحاق ڈار دا شکریا

امریکہ ولوں قبضے وچ لئے گئے بحری جہاز “توسکا” تے سوار ایرانی عملے دے 20 بندے پاکستان دیاں سفارتی کوششاں توں بعد اپنے وطن واپس پہنچ گئے نیں۔

ایرانی سرکاری میڈیا دے مطابق امریکی قید توں ایرانی عملے دی رہائی تے وطن واپسی دیاں کوششاں ایرانی وزیر خارجہ تے اوہناں دے پاکستانی تے سنگاپوری ہم منصباں وچکار رابطیاں پاروں ممکن ہوئیاں۔

پاکستان وچ ایران دے سفیر رضا امیری مقدم ولوں سیلرز (بحری عملے) دی واپسی دیاں کوششاں تے وزیراعظم شہباز شریف، وزیر خارجہ اسحاق ڈار تے دوجے متعلقہ اداروں دا شکریا ادا کیتا گیا اے۔ رضا امیری مقدم نے آکھیا کہ اسیں پاکستان دے انسان دوست تے خیر سگالی دے قَدماں نوں سلاہندے آں۔