چین دا بندے نوں چند تے اتارن لئی مشن کامیابی نال روانہ

چین نے “شینژو-23” مشن کامیابی نال خلا وچ روانہ کر دتا اے، جیہڑا 2030 تیکر بندے (انسان) نوں چند تے اتارن دے چینی ارادے (عزم) ول اک بڑا ہی اہم قدم اے۔

چین دے اتلے مغربی صحرائے گوبی وچ بنے “جیوکوان سیٹلائٹ لانچ سینٹر” توں “لانگ مارچ 2-ایف” راکٹ راہیں روانہ ہون والا ایہ خلائی جہاز کامیابی نال مدار وچ داخل ہو چکا اے، تے چینی خلائی ایجنسی نے سارے خلا بازاں دی خیریت تے مشن دے پوری طرح کامیاب ہون دی تصدیق کر دتی اے۔

ایس مشن دے تحت تریخ وچ پہلی واری کوئی چینی خلا باز خلائی مدار وچ پورا اک سال رہے گا تاں جے مائیکرو گریویٹی (خلا وچ وزن ختم ہون) دے انسانی پنڈے (جسم)، ہڈیاں تے پٹھیاں تے پین والے لمبے چر دے اثرات دا نیڑے توں مطالعہ کیتا جا سکے، جیہڑا مستقبل وچ چند تے مریخ تے گھلے جان والے لمے مشنز لئی بے حد ضروری اے۔