قطر وچ ایرانی اعلیٰ سطحی سفارتی سرگرمیاں، رولے نوں مکاؤن دیاں کوششاں تیز

ایران تے قطر وچکار وڈیاں بیٹھکاں: ایرانی سپیکر تے وزیر خارجہ دوحہ پہنچ گئے، کشیدگی مکاؤن لئی سفارت کاری تیز
ایرانی اسپیکر باقر قالیباف تے وزیر خارجہ عباس عراقچی قطر پہنچ گئے نیں، جتھے اوہ قطری وزیر اعظم نال اہم ملاقات کرن گے۔

برطانوی خبر ایجنسی (روئٹرز) مطابق ایہ ملاقات خطے وچ جاری رولے (کشیدگی) تے تنازع نوں مکاؤن لئی سفارتی کوششاں دا حصہ اے۔

رپورٹاں مطابق اج دوہاں ملکاں وچکار اک مفاہمتی یادداشت (MoU) بارے چھوٹا جیہا اعلان متوقع اے۔ ایرانی عہدیداراں دا کہنا اے کہ ایس معاہدے وچ نیوکلیئر (جوہری) معاہدہ شامل نہیں ہووے گا، البتہ ‘آبنائے ہرمز’ (Strait of Hormuz) نوں لڑی وار (مرحلہ وار) کھولن بارے گلاں شامل کیتیاں گئیاں نیں ۔

دوجے پاسے ایرانی میڈیا مطابق ایرانی اسٹیٹ بینک دے سربراہ (گورنر) بھی قطر دا دورہ کر رہے نیں، جدکہ قطری وفد بیتے ہوئے کل (گزشتہ روز) فریز کیتے گئے (منجمد) فنڈز دے معاملے اتے تہران دا دورہ کر چکیا اے۔

ایس سارے معاملے نوں خطے وچ سفارتی رابطے ودھاؤن تے لڑائی جھگڑے (کشیدگی) نوں گھٹ کرن لئی اک وڈا قدم سمجھیا جا رہا اے۔