بھارت: 2 بساں دے وچکار ٹکر 7 بندے ہلاک

بھارت وچ 2 مسافر بساں دے وچکار خوفناک ٹکر (تصادم) دے نتیجے وچ 7 بندے ہلاک ہو گئے۔

بھارتی میڈیا دے مطابق ایہہ واقعہ گجرات دے ضلع سورت دے قصبے باردولی دے نیڑے مہاراشٹرا اسٹیٹ روڈ ٹرانسپورٹ کارپوریشن دے تحت چلن والیاں 2 بساں دے وچکار پیش آیا۔

پولیس نے دَسیا کہ ایک بس سورت توں دھولے جا رہی سی تے دوجی بس مہاراشٹرا دے چالیس گاؤں توں سورت ول آ رہی سی، ایس دوران مہاراشٹرا ول جان والی بس اک ٹریکٹر نال کھہہ (ٹکرا) گئی جیہدے توں بس اپنا توازن گوا (کھو) بیٹھی تے سڑک دے دوجے پاسیوں آؤن والی بس نال ٹکرا کے ہائی وے توں کچے علاقے (تھلے) اتر گئی۔

پولیس نے ہور دَسیا کہ حادثے توں بعد اک بس نوں اگ لگ گئی جیہدے وچ سوار 7 بندے جھلس کے ہلاک ہو گئے جڈوں کہ (جبکہ) 40 دے نیڑے تریڑے مسافر زخمی ہوئے جیہناں نوں ریسکیو کر کے ترنت (فوری طور پر) طبی امداد لئی ہسپتال پہنچایا گیا۔

میڈیا رپورٹاں دے مطابق ریاستی حکومت ولوں مرن والیاں دے گھروالیاں (لواحقین) لئی 10 لاکھ دی مالی مدد دا اعلان کیتا گیا اے۔