برطانیہ تے بھارت دے تجارتی معاہدے وچ انسانی حقوق نوں اکھوں اوہلے کرن تے تشویش دا اظہار
برطانیہ تے بھارت دے وچکار آزاد تجارتی معاہدے (FTA) تے ہاؤس آف لارڈز وچ ہون والی ٹاکرے (بحث) دے دوران لارڈ قربان حسین نے معاہدے وچ انسانی حقوق بارے کوئی واضع شق (قانون) شامل نہ ہون تے تشویش دا اظہار کیتا اے۔
3 جون 2026 نوں ہون والی بحث دے دوران لارڈ قربان حسین نے سوال چکیا کہ آیا برطانیہ تے بھارت دے آزاد تجارتی معاہدے وچ انسانی حقوق دے بچاؤ (تحفظ) لئی کوئی شق موجود ہے وی کہ نہیں۔ اوہناں نے ایس گل ول دھیان دوایا (نشاندہی کیتی) کہ معاہدے وچ ڈنگراں (جانوروں) دی فلاح و بہبود لئی تے قانون شامل کیتے گئے نیں، پر انسانی حقوق دے حوالے نال ایسی کوئی واضع شق نظر نہیں آؤندی۔
لارڈ قربان حسین نے آکھیا کہ جے معاہدے وچ انسانی حقوق بارے کوئی شق شامل نہیں کیتی گئی، تے کیہ برطانوی حکومت ایہہ سمجھدی اے کہ بھارت وچ بندیاں (انسانوں) دے حقوق ڈنگراں دے حقوق توں وی گھٹ اہم نیں۔
حکومت ولوں جواب دیندیاں لارڈ لیونگ نے انسانی حقوق بارے برطانیہ دے پکے ارادے (عزم) نوں مڑ دہرایا۔ اوہناں نے آکھیا کہ انسانی حقوق ہر جگہ اہم نیں، چاہے اوہ بھارت ہووے یا کوئی ہور ملک، تے برطانوی حکومت بین الاقوامی معاہدیاں دے تحت اپنی ذمہ داریاں نوں پورا کردی رہے گی۔
لارڈ قربان حسین نے دَسیا کہ اوہناں دی ایہہ تشویش بھارت وچ انسانی حقوق دے ماڑے حالات بارے تگڑے ویلے توں سامنے آؤن والے خدشیاں نوں ظاہر کردی اے، ایہناں خدشیاں وچ مذہبی اقلیتاں دے حقوق، بولن دی آزادی (اظہارِ رائے کی آزادی)، شہری آزادیاں تے جموں و کشمیر دے حالات شامل نیں۔
بحث دے دوران اوہناں دیاں گلاں نے ایس گل نوں ابھاریا کہ معاشی تے تجارتی سانجھے داری (شراکت داری) دے نال نال انسانی حقوق تے بین الاقوامی قانونی ذمہ داریاں نوں وی اہمیت ملنی چاہیدی اے۔
یاد رہے کہ برطانیہ تے بھارت نے جولائی 2025 وچ آزاد تجارتی معاہدے (ایف ٹی اے) تے دستخط کیتے سن، پر ایہہ معاہدہ ہجے تیکر لاگو (نافذ العمل) نہیں ہو سکیا۔
