ایران کمزور تے ہویا اے پر اوتھے سب کچھ مکیا نہیں اسرائیلی وزیر اعظم نے ٹرمپ دے دَعویاں نوںمشکوک قرار دتا

اسرائیلی وزیر اعظم نیتن یاہو نے امریکی صدر ڈونلڈ ٹرمپ دے ایرانی نیوی، بحریہ تے فوجی صلاحیتاں مکا (ختم) دین دے دَعویاں نوں شکی (مشکوک) کر دتا اے۔

امریکی میڈیا نال گل بات کردیاں اسرائیلی وزیر اعظم نیتن یاہو نے آکھیا کہ ایران کمزور ہویا اے پر اوتھے سب کچھ مک نہیں گیا۔

نیتن یاہو نے آکھیا کہ ایران ہجے تیکر ایٹمی (جوہری) مواد ختم کرن تے وی راضی نہیں ہویا۔

ایس توں وکھ (اس کے علاوہ) اسرائیلی وزیر اعظم نیتن یاہو نے ٹرمپ دی سخت گفتگو دی ایہناں لفظاں وچ پکی تصدیق کیتی اے کہ کدی کدار (بعض اوقات) اوہناں دے تے ٹرمپ دے وچکار اختلاف ہوندے نیں جیہڑے بیٹھ کے مکا (حل کر) لئے جاندے نیں۔

نیتن یاہو نے آکھیا کہ ٹرمپ تے اوہ ایران بارے بنیادی گلاں تے اک مٹ (متفق) نیں۔ امریکا تے اسرائیل ایران دے معاملے تے کارروائی لئی تیار نیں پر پوری فوجی کارروائی دا آخری (حتمی) فیصلہ ٹرمپ ہی کرن گے۔

نیتن یاہو نے ہور آکھیا کہ فیصلہ اساں (ہمیں) کرنا اے کہ غزہ وچ کارروائی کدوں کرنی اے، حماس نوں نہتیاں (غیر مسلح) کرن دے فیصلے امن بورڈ نال مل کے کیتے جان گے۔