عدالت نے 35 سال پرانے مقدمے وچ 85 سالہ ملزم نوں 3 سال جیل دی سزا سنا دتی
بھارتی عدالت نے 35 سال پرانے قتل دے مقدمے وچ 85 سالہ ملزم نوں سزا سݨا دتی۔
بھارتی میڈیا دے مطابق ریاست بہار نال تعلق رکھݨ والے 85 سالہ بندے دیپ رائے نوں عدالت نے 3 سال جیل دی سزا سݨائی اے۔
ایس حوالے نال سوشل میڈیا اتے ہک ویڈیو وی وائرل ہو رہی اے جِس وچ ضعیف (بڈھے) ملزم نوں پھڑ کے لے جاندیاں ہویاں ویکھیا جا سکدا اے، ایس بندے دی کمر جھکی ہوئی اے تے اوہ مسیں (مشکل سے) ہی اپنے پیراں اتے چل پا رہا اے۔ میڈیا رپورٹاں وچ دَسیا گیا اے کہ عدالت نے دیپ رائے نوں 35 سال پہلاں کیتے جاݨ والے قتل دے کیس تے آرمز ایکٹ دی خلاف ورزی دے مقدمے وچ سزا سݨائی اے۔
ملزم دے وکیل نے دیپ رائے دی عمر پاروں گھٹ سزا دیݨ دی اپیل کیتی سی جیہڑی عدالت نے مَنّ دیاں ہویاں گھٹ سزا دے نال 25 ہزار (بھارتی روپے) جرمانے دی سزا وی سݨائی۔
عدالت نے آکھیا کہ ملزم دی عمر 85 سال اے تے اوہ جسمانی طور تے پورے طریقے نال معذور اے، ایہ آکھݨا غلط نہیں ہووے گا کہ اوہ جیل وچ کوئی سخت سزا برداشت نہیں کر سکن گے پر نال ہی اوہدا سزا پاؤݨا وی ضروری اے، ایس لئی عدالت نے انسانی بنیاداں اتے گھٹ سزا دتی اے۔
