جاپان: ریچھ دے حملے وچ 4 افراد زخمی میئر نے ریچھ نوں ذہین قرار دے دتا
جاپان وچ ریچھ دے حملے توں 4 افراد زخمی ہو گئے۔
غیر ملکی میڈیا دے مطابق جاپان دے شہر فوکوشیما وچ ہک ریچھ نے الیکٹرانکس فیکٹری دے اندر وڑ کے 4 بندیاں اتے حملہ کر کے اوہناں نوں زخمی کر دتا۔
رپورٹاں وچ دَسیا گیا اے کہ ریچھ حملہ کرن توں بعد فیکٹری دے اندر ہی لُکیا رہا تے رات دے ہنھیرے (تاریکی) دا فائدہ چکدیاں ہویاں کھڑکی دی کُنڈی کھول کے فرار ہو گیا، جڈوں کہ اوہنے اپنے پنجیاں نال نلکا (نل) کھول کے پانی وی پیتا۔
حکام ولوں دَسیا گیا کہ ریچھ نوں پھڑݨ لئی وکھو وکھ (مختلف) طریقے ورتے گئے پر ہک وی کم نہ آیا۔
حکام دے مطابق پہلے ریچھ نوں بے ہوش کرن والی انجیکشن گن ورتی گئی جِس توں اوہ بچ نکلیا، تے پھر اوہنو اوہدا پسندیدہ پھل تے شہد دے کے وی پھڑݨ دی کوشیش کیتی گئی پر ناکامی ہی ہتھ آئی۔
ریچھ دے فرار ہووݨ اتے فوکوشیما دے میئر نے اوہنو حدوں وکھ (انتہائی) ذہین قرار دتا۔
واضع رہے کہ جاپان وچ ریچھ دے حملیاں دے واقعات وچ وادھا ہو رہا اے، جاپان وچ اپریل 2025 توں ایس سال مارچ دے وچکار ریچھ دے حملیاں توں 13 بندے ہلاک ہو چکے نیں (موت دے منہ وچ جا چکے نیں)۔
