ایران نے روس توں 20 ہیلی کاپٹر ملویں لین (خریدن) دا معاہدہ کر لیا
ایرانی انجمن ہلال احمر تے روسی کمپنی دے وچکار 20 ہیلی کاپٹراں دی خریداری لئی مفاہمتی یادداشت تے دستخط کر دتے گئے۔
ایرانی خبر رساں ایجنسی دے مطابق ایہ معاہدہ بدھ دے دیہاڑے روسی کمپنی دے ہیڈ کوارٹر وچ ایرانی انجمن ہلال احمر دے صدر پیر حسین کولیوند تے روسی ہیلی کاپٹراں دے ڈائریکٹر جنرل نکولائے کولیسوف دے وچکار طے پایا۔
ماسکو وچ میڈیا نال گل بات کردے ہوئے پیر حسین کولیوند نے آکھیا کہ ’اج روس توں 20 ہیلی کاپٹراں دی سدھی (براہ راست) خریداری دا معاہدہ کیتا گیا اے جیہدا مقصد ملک دے لاجسٹکس تے فضائی ریسکیو بیڑے نوں تکڑا (مضبوط) بنانا اے‘۔
اوہناں نے ایس معاہدے نوں ایرانی ہلال احمر دی تاریخ دا اک غیر معمولی سنگِ میل قرار دتا تے دسیا کہ مڈھلے طور تے (ابتدائی طور پر) 4 ہیلی کاپٹراں دی خریداری دا معاہدہ پورا ہو چکا اے جیہناں دی فراہمی مارچ 2027 وچ نوروز توں پہلے متوقع اے۔
پیر حسین کولیوند نے آکھیا کہ ایہ ہیلی کاپٹر نویں ٹیکنالوجی تے نائٹ ویژن سسٹم نال لیس ہون گے جیہدے نال رات دے ویلے پرواز ممکن ہووے گی جد کہ ایہناں نوں اگ بجھاؤن، طبی امداد تے ہنگامی ریسکیو آپریشنز لئی بھی ورتیا (استعمال کیتا) جا سکے گا۔
