جی سیون (G7) اجلاس دی سائیڈ لائن تے مودی امریکی صدر نال ملاقات وچ پرچی پھڑی (تھامے) بیٹھے رہے

فرانس وچ جاری جی سیون (G7) سربراہی اجلاس دی سائیڈ لائن تے امریکی صدر ٹرمپ تے بھارتی وزیرِ اعظم نریندر مودی دی ملاقات ہوئی۔

امریکی صدر نال ہون والی ملاقات وچ نریندر مودی ہتھ وچ پرچی پھڑی (تھامے) بیٹھے رہے۔

ملاقات توں بعد میڈیا نال گل بات کردے ہوئے امریکی صدر ڈونلڈ ٹرمپ نے آکھیا اے کہ اوہناں دی بھارتی وزیرِ اعظم نریندر مودی نال بہت اچھی گل بات ہوئی اے تے دوہاں ملکاں دے وچکار تجارتی معاہدیاں تے کم جاری اے۔

ٹرمپ نے ایہ وی آکھیا کہ امریکا بھارت دا بچاؤ (دفاع) کرے گا۔ اوہناں نے مودی ول اشارہ کردے ہوئے آکھیا کہ ’جے اوہناں تے حملہ ہویا تاں اسیں اوہناں دی مدد لئی اوتھے موجود ہوواں گے‘۔

اوہناں نے ہور آکھیا، ’جے کوئی ایس بندے (مودی) تے حملہ کرے گا تاں اسیں اوتھے ہوواں گے‘۔ پر نال ہی اوہناں نے ایہ وی آکھیا کہ جے کوئی نواں لیڈر آؤندا اے تاں پھر حالت وکھری (مختلف) ہو سکدی اے۔