ایران دے معاملے چ چین نے اہم کردار ادا کیتا، ایسے ورھے (سال) دوبارہ چین جاواں گا: ڈونلڈ ٹرمپ
امریکی صدر ڈونلڈ ٹرمپ نے آکھیا اے کہ ایران دے معاملے چ چین نے اہم کردار ادا کیتا۔
غیر ملکی خبر رساں ادارے دے مطابق امریکی ریاست میری لینڈ چ خطاب کردیاں ہویاں ڈونلڈ ٹرمپ دا کہنا سی کہ چین ایران توں اپنی ضروریات دا 50 فیصد تیل خریددا اے پر ایران دے معاملے چ چین نے اہم کردار ادا کیتا۔
اوہناں نے آکھیا کہ چینی صدر ستمبر چ امریکہ دا دورہ کرن گے تے میں ایسے ورھے (سال) کسے ویلے دوبارہ چین جاواں گا۔
اسرائیل دے حوالے نال گل بات کردیاں ہویاں امریکی صدر دا کہنا سی کہ اسرائیل دے نال امریکہ دے بہترین تعلقات نیں۔
دوجے پاسے امریکی ویب سائٹ نوں انٹرویو چ صدر ٹرمپ نے کیوبا خلاف وینزویلا ورگی کارروائی دا امکان ظاہر کردیاں ہویاں آکھیا کہ ایسی کارروائی یقیناً ممکن اے پر ایس لئی کوئی ڈیڈلائن نہیں۔
