افغانستان: طالبان اہلکاراں نے کئی امدادی کارکنان نوں داڑھی چھوٹی ہون اُتے گرفتار کر لیا
افغانستان وچ طالبان حکام نے داڑھی چھوٹی ہون اُتے تقریباً 20 امدادی کارکنوں نوں حراست وچ لے لیا۔
غیر ملکی خبر رساں ایجنسی دے مطابق ذرائع دا دَسنا اے کہ ہفتے دے دن حراست وچ لئے گئے بندے ایران افغانستان سرحد اُتے ‘اسلام قلعہ’ بارڈر کراسنگ دے نیڑے کم کر رہے سی تے اوہ اوہناں تنظیماں نال جڑے ہوئے سی جیہڑیاں اقوامِ متحدہ نال تعاون کردیاں نیں.
خبر رساں ایجنسی دے مطابق ‘انٹرنیشنل آرگنائزیشن فار مائیگریشن’ دے اک اندرونی بیان وچ آکھیا گیا اے کہ طالبان دی اخلاقی پولیس نے ’اقوامِ متحدہ دے شراکت دار اداریاں دے مقامی مرد عملے نوں داڑھی تراشن یا داڑھی نہ رکھن پاروں اسلام قلعہ ریسیپشن سینٹر توں گرفتار کیتا‘۔
بیان وچ آکھیا گیا اے کہ کچھ امدادی کارکنان نوں اویسے ای دن رہا کر دتا گیا جبکہ باقی بندیاں نوں اگلے دن چھڈیا گیا.
خبر رساں ایجنسی نے آکھیا کہ طالبان دی وزارتِ امر بالمعروف و نہی عن المنکر نے ایس واقعے اُتے تبصرہ کرن توں پاسہ وٹیا (گریز کیتا)۔
