پوڑیاں چڑھن دی عادت دا اک ہور بہترین فائدہ دریافت
جسمانی سرگرمیاں نال جسم تے دماغ دوواں دی صحت نوں کئی فائدے ہوندے نیں، بھاویں کچھ منٹاں لئی ای ورزش کیوں نہ کیتی جائے۔
درحقیقت محض 5 توں 10 منٹ دی جسمانی سرگرمیاں نال توانائی دا پدھر (سطح) تے مزاج بہتر ہوندا اے۔
جرنل ‘نیچر ہیومین بی ہیوئیر’ وچ چھپن والی تحقیق وچ ہلکی شدت دی جسمانی سرگرمیاں دی اہمیت اُتے زور دیندے ہوئے آکھیا گیا کہ روزمرہ دیاں سرگرمیاں جیویں گھر دے کم کاج، پوڑیاں چڑھنا یا مختصر چہل قدمی نال شخصیت اُتے فوراً مثبت اثر پیندے نیں.
تحقیق وچ جسمانی حرکت تے مزاج دوواں دے وچکار تعلق نوں لبھیا گیا اے تے دَسیا گیا اے کہ جسمانی طور اُتے ایکٹو (متحرک) رہن نال مزاج خوشگوار ہوندا اے تے ایس دے نتیجے وچ تسی زیادہ ایکٹو رہن دی خواہش کردے او۔
ای سگریٹس دا استعمال پھیپھڑیاں تے منہ دے کینسر دا خطرہ ودھا سکدا اے، تحقیق
ایس تحقیق وچ 8 ہزار بندیاں نوں شامل کیتا گیا تے فیر 3 لاکھ 20 ہزار بندیاں دے ڈیٹا سیٹس دا تجزیہ کیتا گیا۔
ایس تحقیق وچ جم (Gym) وچ کیتی جان والی ورزشاں دی بجائے روزمرہ دی جسمانی سرگرمیاں توں پین والے اثرات دا جائزہ لیا گیا۔
تحقیق وچ شامل بندیاں نوں فٹنس ٹریکرز پہنائے گئے تے ایس طرحاں محققین لئی ہلکی تے معتدل شدت دی جسمانی سرگرمیاں جیویں چہل قدمی، پوڑیاں چڑھنا تے گھر دے کم کرن نال پین والے حیاتیاتی اثرات دا جائزہ لین وچ مدد ملی۔
تحقیق وچ دریافت کیتا گیا کہ روزمرہ دی اہناں سرگرمیاں نال جذباتی صحت اُتے نمایاں اثر پیندے نیں.
روزانہ اک سیب کھان دا ایہہ فائدہ تہانوں ضرور پسند آئے گا
محققین نے دَسیا کہ نتائج توں اشارہ ملدا اے کہ سانوں ورزش دے فائدے لین لئی بہت زیادہ سخت جسمانی سرگرمیاں دی لوڑ نہیں۔
ماہرین دے مطابق تحقیقی کم توں مسلسل ثابت ہو رہا اے کہ ورزش، خاص طور اُتے چار دیواری توں باہر دی جسمانی سرگرمیاں نال دماغی صحت نوں نمایاں فائدے حاصل ہوندے نیں.
اوہناں نے دَسیا کہ ہرے بھرے (سرسبز) تھانواں اُتے وقت گزارن نال جسم دے اندر تناؤ ودھاؤن والے ہارمون ‘کورٹیسول’ دا پدھر گھٹ جاندا اے، بلڈ پریشر گھٹدا اے جبکہ مزاج خوشگوار ہوندا اے۔
اوہناں دا کہنا سی کہ دماغی صحت بہتر ہون دا انحصار بیماریاں توں محفوظ ہون اُتے نہیں، بلکہ جذباتی، نفسیاتی تے سماجی توازن تناؤ نوں قابو وچ رکھن تے آلے دوالے دی دنیا نال جڑن وچ مدد دیندا اے۔
