بھارت: لکھنؤ وچ کوچنگ سینٹر دی عمارت وچ اگ لگن نال 15 بندے ہلاک

بھارتی شہر لکھنؤ وچ اک عمارت وچ اگ لگن دے واقعے وچ گھٹ توں گھٹ 15 بندے ہلاک ہو گئے۔

مقامی میڈیا دے مطابق اگ اک تن منزلہ تجارتی عمارت دے وچکارلے حصے توں شروع ہوئی تے دیکھدے ہی دیکھدے ہور منزلاں تک پھیل گئی۔

حکام نے دَسیا کہ عمارت دے گراؤنڈ فلور اُتے اک پالتو جانوراں دی دکان تے ویٹرنری کلینک (ڈنگراں دا ہسپتال) موجود سی، جبکہ اوپر دیاں منزلاں اُتے اک ایسا کوچنگ سینٹر قائم سی جتھے پڑھاکوواں (طلبہ) نوں گیمنگ تے اینیمیشن نال جڑے سافٹ ویئر ڈویلپمنٹ دی ٹریننگ دتی جاندی سی۔

حکام دے مطابق اگ لگن دی اصل وجہ ہجے تک معلوم نہیں ہو سکی، پر مڈھلی جانچ پڑتال (ابتدائی تحقیقات) وچ شک ظاہر کیتا گیا اے کہ اگ شارٹ سرکٹ پاروں (باعث) لگی اے۔

مقامی میڈیا دے مطابق کئی گھنٹیاں تک چلن والے ریسکیو آپریشن توں بعد اگ اُتے قابو پا لیا گیا۔