“عالمی ایٹمی توانائی ایجنسی بارے ایران دا وڈا اعلان!”

امریکہ نال مذاکرات دے دوران ایران ولوں عالمی ایٹمی توانائی ایجنسی (آئی اے ای اے) بارے اک وڈا اعلان کیتا گیا اے۔ اک پاسے ایرانی میڈیا دا کہنا اے کہ ایران تے امریکہ دے وچکار تکنیکی گل بات مکمل کر لئی گئی اے، تے ایس دے نال ہی اے خبر وی آئی اے کہ ایران نے عالمی ایٹمی توانائی ایجنسی نال رابطے نوں ملکی قنوناں (قوانین) دے ماتحت کرن دا اعلان کر دتا اے۔

الجزیرہ دی رپورٹ دے مطابق، ایرانی وزارتِ خارجہ دے ترجمان دا کہنا اے کہ امریکہ نال گل بات وچ جوہری پروگرام بارے کوئی نواں معائدہ یا وعدہ نہیں کیتا گیا ک۔ اوہناں دا آکھنا سی کہ عالمی ایٹمی توانائی ایجنسی نال رابطے نوں ملکی قنوناں دے ماتحت کرن دا فیصلہ کر لیا گیا اے، تے آئی اے ای اے دے انسپکٹرز دی واپسی بارے ایران نے ہلے تک کوئی پکا فیصلہ نہیں کیتا۔

اسماعیل بقائی نے آکھیا کہ ایٹمی ایجنسی نال تعاون ایرانی پارلیمنٹ تے نیشنل کونسل دے قنوناں دے تحت ہی ہووے گا۔ الجزیرہ دا کہنا اے کہ ایرانی وزارتِ خارجہ دے ترجمان دے بیان وچ مستقبل وچ ایٹمی ٹھکانیاں (تنصیبات) دی جانچ پڑتال دے امکان نوں رد نہیں کیتا گیا۔ دوجے پاسے، امریکی نائب صدر جے ڈی وینس نے دعویٰ کیتا اے کہ ایران آئی اے ای اے دے انسپکٹرز نوں دوبارہ آون دی اصولی منظوری دے چکیا اے۔